Aside

街站 講稿

[ 街站 講稿]

以往行動組舉辦過不少宣傳街站,內容大綱以此稿為藍圖,特此存稿,方便公眾參考及簡略認識東北發展的真相。664688_10151160685001247_1282293633_o

大家好,我地係反對香港被規劃行動組,今日係度擺設宣傳街站係希望大家關注及了解「新界東北新發展區計劃」。

大家可能認為呢個只係新界果班村民既事,計劃就只係等同發展起樓,但我係度希望同大家講,呢個係關乎每一個香港人既事!新界東北唔只係鄉郊地區咁簡單,而係位於香港既邊境,係一個間隔住香港同深圳既特殊位置。呢個唔單止係果度一萬戶村民要拆村無屋住既問題,而係我地拆左咁多香港市民既屋企之後,唔係服務香港既公眾利益,而係用黎服務內地既經濟發展

新界東北發展計劃,係深港融合既第一步,最終將會模糊化香港既邊界,扼殺香港應有既自主獨立,以及我地一直維護既核心價值。新界東北失守,就等同香港既邊境失守!我地要守住呢個我地愛護既地方,就需要係呢個時刻走出黎,了解呢個計劃同埋關注我地香港既未來。

大家對「新界東北新發展區計劃」既認知,可能就只係廣告所講,土地發展,所謂咩香港人既新市鎮。但係當大家了解呢個計劃既內容,就會清楚,計劃叫得做「新發展區」,本質上同「新市鎮」就係兩回事。新發展區係用黎增加本土經濟競爭力、發展經濟產業嫁麻,又點同宣傳片裏面所講,解決住屋需要既新市鎮呢?!

其實,我想同大家講,新市鎮,絕對係一個錯漏百出既大話!有證有據!

呢個計劃於上任特首曾蔭權提出黎既時候,係十大基建之一,目的講到明係加強深港既經濟融合,而絕對唔係咩新市鎮。當時林鄭月娥亦曾公開表明,本港未來不需要有大型新市鎮落成,只需要建立新發展區,而新發展區將來也不一定是住宅區。由此可見,熟知計劃的林鄭月娥,一直好清楚新發展區既重要目的並唔係解決住屋問題。

其實規劃署既資料亦講左,新界地區 包括新界東北既發展方向,係加強香港同內地既經濟聯繫,咁又點會用黎做屯門、沙田咁既新市鎮丫?我好希望大家搞清楚,絕對唔係有樓有公屋既土地發展 就叫做新市鎮。而家既現實係,新發展區入面 有八成既住屋土地 最終係用黎做豪宅區,重要係隨時十分鐘就可以過境返深圳既,試問最終佢地服務既又係邊個呢?

我地香港而家唔係唔夠地起樓,而係政府同地產商 囤積屬於我地香港人既土地 唔去發展;我地香港更加唔係唔夠豪宅,而係有樓住唔起。但係政府就由頭到尾 將新發展區傾斜私營市場,而呢個完全唔可能係不小心既過失。政府完全無視香港市民既實際需要,原因好簡單,因為呢個根本唔係發展新界東北既真正原因,兩成公屋土地既存在 只係一個甜頭、一個煙幕!

政府不斷同大家講會起多D公屋,但事實係,呢個計劃一開始就唔係以香港小市民既利益出發!咁大家知唔知計劃究竟係起D咩丫?係充斥名牌商店既大型商場,係醫療城比內地人跨境醫病,係教育城比跨境學生讀書!而家香港既學校面臨殺校危機,而新發展區就留左起十七間學校既教育用地,將來五分鐘就返到深圳,究竟係為左邊個,我諗答案好明顯。而新發展區裏面仲有六大產業區,就係比內地資本入黎香港、同香港合作既最佳地點!咁試問,呢個大家認為仲係叫新市鎮嗎?好喇,咁佢唔係新市鎮,咁係D咩?呢樣就係我地想大家關心既問題!

重點就係,呢個計劃盲目配合中央政府既策略定位,用香港既土地黎服務內地經濟,進行深港融合,最終就只會完全犧牲基本法賦予比香港既一國兩制、自主獨立!我地唔希望香港最終成為同內地 深圳、上海一模一樣既金融中心城市,扼殺香港自己對民主、文明進步,以至係核心價值既追求。

梁振英甚至係今年6月曾經講過,構想係香港既邊境,其實又姐係新界,起一個「特區中的特區」,內地居民可以免簽証黎香港,而香港居民入去就要過關!我諗講到呢度,兩地政府對於新界既發展藍圖,已經一清二楚了。

事實就係,而家既「新界東北新發展區計劃」,無論係入面既六大產業區抑或就近既配套 蓮塘口岸,都被中央強行定位,務求將香港同內地既金融經濟一體化,甚至支持內地資本走入呢個「新界東北新發展區」,利用香港,變成國際資本走出去。呢個一體化既諗法,係內地既講法就係,從中華民族根本利益出發,表達中華兒女建設共同家園的美好心願。咁試問大家,將深圳同香港同城化,又係咪大家既心願呢?我地既一國兩制、五十年不變,係咪就係可以因為咁而犧牲呢?

大家要知道,經濟同政治係從來都分唔開既,中央政府要將香港同深圳進行經濟一體化;要互相接受跨境兒童、學習教育制度,進行教育一體化;要有法律合作,可以互相仲裁,進行司法一體化;免簽証、服務內地居民黎香港消費,甚至生活,係社會一體化!係種種因素之下,我地既政府體系,點樣能夠唔被融合?而由於香港政府同中央政府根本唔可能係平起平坐,係呢場融合入面,根本係對方主導、定位同規劃我地,咁呢D直程唔只融合,係侵佔了!

當香港被當成營養品服務內地經濟,我地失去左基本法賦予比我地既規劃自主,大家難道仲能夠無動於衷嗎?所以我只希望,大家就算唔完全接受我地,都去關注同了解呢個「新界東北新發展區計劃」!因為呢度即使離新界好似好遠,呢個計劃的的確確唔係新界村民既事,而係每一個香港人既事,關乎到香港未來既發展,唔只係土地發展,而係社會發展、民主發展!請大家嘗試去關注同埋了解呢個「新界東北新發展區計劃」,多謝!

Aside

深港融合打造泛珠三角地區發展新引擎

深港融合打造泛珠三角地區發展新引擎

來源:深圳特區報網絡版 日期:2013-03-06 15:59:00

20120516102121860_0http://big5.southcn.com/gate/big5/www.pprd.org.cn/news/dongtai/201303/t20130306_364397.htm

深港合作舊事“新提”

全國政協黃揚略:一定要加快新界東北開發,推進深港河套地區建設,儘快釋出邊境土地,同時對深港河套地區的功能儘快形成共識,使之與前海功能相搭配,加快開發建設。

全國政協朱鼎健:表示關注深港合作打造大都會圈的話題。他認為深圳一定要堅持自己的國際定位,保持自己的“個性”和“特色”,避免湮沒在香港的影響之下,處於從屬位置。是深圳的產業個性和優勢,在推進深港大都會進程中,完全可以發揮主導作用,深圳市已經投入建成了一些國際一流的硬體設施,還可以借助IT業的強大基礎,發展動漫、音像、電玩等系列創新科技文化產業,形成超越香港的產業優勢。

——————
行動組評:
中國大陸一直以香港為他們的「經濟碼頭」,
讓大陸的經濟長遠下去終於能上岸。
由於內地缺乏完善、廉潔的法治及金融體系,
以致無法吸引外資,成為獨佔鼇頭的「國際金融中心」,
而此狀態對內地的經濟形成發展瓶頸。

為了衝破困局,
中國大陸樂於造就「中港融合」,
一方面能夠借助香港的國際產業優勢,
改造深圳成為另一個香港───「國際金融中心」。
另一方面,亦可順勢推進中方統一、專政格局,
打擊香港獨立自主性,
並進一步令香港經濟及民生依賴大陸,
釋除中共中央的恐懼───對香港未來的不確定因素。

如鄧小平先生所述,
由香港帶領大陸「向前行」,
走向民主進步開放,
讓香港與大陸在求同存異的前提下交流,
在一國兩制、港人治港的大原則下接軌,
本來並無不可。

然而,回歸以來,
一國屹立,兩制不保,
現代中國大陸所講的「中港融合」,
已再不是和順的「安全接軌」,
而是急功近利的,
想架空完善、符合普世價值的政治體制,
來建造所謂「國際金融中心」,
一心只以經濟為最終點,
以貪婪為坐駕,
卻無視香港能得到國際認可的終極大原則。

這不但是中國大陸的一種選擇性失明,
更是一種反智的政治操作。
中央與香港在如此「身份地位」懸殊下進行「融合」,
可預見不單單香港一方「被主導」,
原本香港的獨特優勢更將輕易被十三憶勢力蓋過,
屆時莫說香港帶領中國大陸走向國際,
而是中國大陸帶領香港走向最北雪土。

Aside

坪輋/打鼓嶺

進入坪輋/打鼓嶺

搭車看見「守護香港,保衛東北」就有落~860755_379874182110852_1546360858_o860036_379874222110848_1511227094_o861389_379874192110851_1547326162_o 

路上抗爭橫額比比皆是~860036_379874928777444_396405388_o

放眼看過去,如果你仔細留意還能見到一間間廢置村校~830506_379875178777419_915100116_o858210_379875022110768_1985806120_o860938_379875085444095_565514931_o860047_379875048777432_850067561_o這片土地是香港僅存的農業發展地帶,而政府打算要把這裏消滅,化為豪宅和大陸經濟的碼頭…858681_379874598777477_2026690496_o858540_379874852110785_1733148551_o  你能夠看見,對岸已經是深圳的一頭~857632_379874955444108_541623181_o 後來從山丘看過去密麻麻的深圳高樓,難道香港這片綠土地務必要變成那個樣子?563098_380138735417730_521360551_n坪輋/打鼓嶺的村民比較是過著一種「一屋一田」的耕作生活~與世無爭~~858245_378458482252422_1614390506_o他們所賺微薄,甚至月入還沒有北區水貨客的一成,但總算生活無憂,直到近年地產商因為收地逼遷不擇手段,生活開始艱澀…858046_378458648919072_2015427957_o858306_379874785444125_786645114_o當村民於最後階段諮詢才得知自己要被滅村,緊急成立關注組,並組成導賞中心,希望更多公眾關注香港未來發展~857734_379874895444114_846529840_o原本他們的生活,應該是這樣無憂無慮的…823521_378458442252426_1356259159_o823378_379874588777478_1087234457_o9月22日的諮詢會,他們的得知是突然而無助的…860906_378458165585787_624910485_o860288_379874718777465_2096692380_o到開發新界東北,進行深港融合,起基建、起商廈、起鐵路、起無止境的豪宅區…

這個山頭再不是必然…574483_380138695417734_1850051830_n

行動組強烈建議你去看看村民的鄉土抗爭!精彩照片還在後頭呢!!